SonÜmid TV - İslam Maarif, Dua və Ziyarət Portalı

İmam Səccad (ə) 22.01.2025

“Ali-Muhəmmədin (ə) Zəburu” müəllifinin mövludu mübarək olsun!

Həzrət Əli ibn Hüseyn (ə) 38-ci hicri ilinin Şəban ayının 5-də Mədinədə dünyaya gəlmişdir. 95-ci Hicri ilinin məhərrəm ayının 25-də şəhid edilmişdir. Müqəddəs qəbri Bəqi qəbiristanlığındadır. Tarixi mənbələrə görə mübarək anasının adı Şəhribanu və ya Şəhrinaz olmuşdur. İmam Səccad (ə) ən ağır siyasi dövrdə yaşamış İmamlardandır. İmam Əli (ə) şəhid olan zaman onun 3 yaşı var idi. Sonra da atası ilə bir yerdə Kərbəla hadisəsinin müsibətləri və bəlaları ilə üzləşmişdi. (Tebyan) İmamın (ə) möhnəti və əziyyəti o zaman daha çox artır ki, Yezid (lən) ordusu Mədinəyə və o cümlədən Həzərt Peyğəmbərin (s) məscidinə daxil olur. Bu azgın ordu belə bir müqəddəs məkanda da qətl törədir. İmamın (ə) bütün həyatı mübarizədə keçmişdir. Gözünü açan gündən babası İmam Əlini (ə) Cəməl döyüşünə qərq olan halda görmüşdü. Cavanlıq dövründə həyatının ən ağır hadisəsi olan Kərbəla hadisəsi ilə rastlaşmış və dözülməz acılar və qəmlərlə üzləşmişdir. Atasını, qardaşlarını, yaxınlarını gözünün önündə itirmiş və əsirlik kimi bir imtahanla qarşılaşmışdır. Ancaq İmam (ə) bu imtahanların heç birində məğlib olmamışdır. Əksinə, onların hamısından başıuca və alnıaçıq çıxaraq ardıcılları üçün örnək olmuşdur. İmam (ə) hər fürsətdə insanları Əməvilərə qarşı ayıldırdı. İmam (ə) nəzarət altında olduğu üçün risalətini dua vasitəsilə öz davamçılarına çatdırırdı. Dualarını torladığı “Səhifeyi-Səccadiyə” kitabı “Ali-Muhəmmədin (ə) Zəburu” adı ilə məşhur olmuşdur. Qurandan və “Nəhcul-bəlağə”dən sonra ən əzəmətli və ən dəyərli kitab hesab olunur. İmam (ə) da ataları kimi Mədinənin bir çox yoxsul ailəsinə gizli şəkildə yardım edirdi. Mədinənin yüz ailəsi İmamın (ə) sayəsində aclıqdan əziyyət çəkmirdi, ancaq onlara kimin yardım etdiyini bilmirdilər. İmam Səccad (ə) vəfat edəndən sonra başa düşdülər ki, bu İmam Səccad (ə) imiş. İmam (ə) buyurardı: “Gizli sədəqə Allahın qəzəb atəşini yatızdırar”. İmamın ibadət və səcdə əhli olması hamıya məlumdur. Məhz buna görə İmama (ə) “Səccad” ləqəbini vermişdilər. İmam (ə) Kərbəla hadisəsindən sonra heç bir zaman gülmədi, şənlənmədi. Nə zaman su görsə idi, ağlayardı. Bu ağır hadisənin qəmi heç bir zaman nəcib qəlbindən çıxmadı. O, hər fürsətdə insanlara bu hadisəni yada salmağa çalışır və Əməvi zülmünü ifşa edirdi./Deyerler.org/ Salam olsun sənə, ey Zeynəl-abidin (ə)! Mövludun mübarək, ey İmam Səccad (ə)!

1 Oxu

İmam Səccad (ə) 22.01.2025

İmam Səccadın (ə) şəhadət günü: Kərbəladan şəhadətə qədər İmamın (ə) həyatı

İmam Səccadın (ə) həyatında bəhs və tədqiq ediləsi nöqtələr çoxdur. İmamın Kərbəladan şəhadətə qədər getdiyi yollara bir nəzər salaq: 1. İmam Səccadın (ə) xəstəliyi. 2. O Həzrətin Aşuranı ayaqda saxlamaq üçün səyləri və rolu. 3. Onun Əhli-Beyt (ə) əsirlərinin arasında olması. 4. Həzrətin Kərbəladan Mədinəyə qədər söylədiyi xütbələr. 5. İmamın (ə) şəhadəti. 1. İmamın xəstəliyi Bəzi tarixçilər bu fikirdədirlər ki, İmam Zeynəlabidin (ə) qanlı Kərbəla hadisəsində 24 yaşında idi. Bəziləri isə 22 yaş deyirlər. Muhəmməd ibni Səyid kitabında yazır: “Əli ibni Hüseyn (ə) Kərbəla hadisəsində İmam Hüseynlə (ə) bir yerdə idi. Onun 23 yaşı var idi. Onun övladı İmam Baqir (ə) Kərbəla hadisəsindən İmamın şəhadətinə qədər atası ilə bir yerdə olmuşdur. 3 və ya 4 yaşı var idi. İmam Səccad (ə) xəstəliyinə görə cihadda iştirak edə bilmədi. Allah onu insanları hidayət etməsi üçün qorudu. Peyğəmbərin (s) Həzrət Fatimədən (s.ə) olan nəsli İmam Hüseyn (ə) vasitəsilə İmam Səccada (ə) çatmışdı”. Şeyx Müfid bu haqda yazır: “O zaman ki, İmam Hüseyn (ə) şəhadət şərbətini içir, Şimr (lən) İmam Səccadı (ə) öldürmək üçün hücum edir. İmam Səccad (ə) xəstə yatağında idi. Həmid ibni Müslim ona müdafiə etdi və Şimrin hücumunu dəf etdi. Ömər ibni Səd xəstə olmağına baxmayaraq, onu Əhli-Beytlə (ə) bərabər Kufəyə aparır”. İmam Səccad (ə) Kərbəlada yalnız məhdud bir müddətdə xəstə olmuşdu. Sağalandan sonra 35 il müddətində müsəlmanlara imamlıq edir. Bəziləri onun daima xəstə olduğunu söyləyirdilər, bu məsələ insanların zehnində o qədər uzun müddət qaldı ki, dördüncü İmama (ə) və onun fədakarlıqlarına qarşı diqqətsizlik edirdilər. 2. O Həzrətin Aşuranı ayaqda saxlamaq üçün səyləri və rolu İmam Hüseynin (ə) və onun tərəfdaşlarının şəhadəti Bəni-Uməyyə hökuməti üçün viranedici xarakter daşıyırdı. Bu xəlifəliyin dini olmasını sual altına alırdı. Bu şəhidlərin fədakarlıqlarının unudulmaması üçün İmam Səccad (ə) həm şəhidlərə göz yaşı tökür, həm də atasının hədəfini davam etdirirdi. Cavidan Aşura hadisəsi o qədər qəmgin və ürəkürpədici idi ki, onun müşahidə edənlər ölənə qədər bu hadisəni yaddan çıxartmadılar. İmam (ə) o zaman ki, su içmək istəyərdi, gözü suya dəyəndə ağlamağa başlayardı. Həzrətin ağlamağının səbəbini soruşanda buyurardı: “Necə ağlamayım? O zaman ki, yezidlilər suyu vəhşi heyvanlara açıq buraxmışdılar, ancaq atamın üzünə bağlamışdılar. Onu susuz şəhid etdilər”. İmam Səccad (ə) öz xütbələri ilə insanların bu məsələdə yollarını azmasına imkan vermədi və 14 əsr keçməsinə baxmayaraq, bu hadisə hələ də canlı və cavidandır. 3.Onun Əhli-Beyt (ə) əsilərinin arasında olması Aşura hadisəsindən sonra İmam Səccad (ə) Əhli-Beyt (ə) ilə Kufəyə hərəkət etdi. Əsirlərin dəqiq sayı haqqında məlumat yoxdur. Bəziləri qadınların sayının 64 nəfərdən 84 nəfərə qədər olduğunu və oğlan uşaqların sayının 12-dən 14-ə qədər olduğunu yazırlar. Onları 40 dəvə ilə aparırdılar. Hamısını zəncirə vurmuşdular. Bu karvanın tək kişisi İmam Səccad (ə) idi. Düşmən onlara qarşı çox sərt rəftar edirdi. Tarixçilərin yazdığına görə İmam Səccadı (ə) palansız dəvənin üzərinə otuzdurmuşdular. Həzrətin mübarək əllərini boynundan asmış, ayaqlarının hər ikisini dəvənin qarnına bağlamışdılar. Bəzi tarixçilər karvanın Kufəyə daxil olma tarixini Məhərrəm ayının 12-si olduğunu və bəziləri də 16 və 17-si olduğunu yazırlar. 4. Həzrətin Kərbəladan Mədinəyə qədər söylədiyi xütbələr İmam Səccad (ə) Kufədə olan zaman iki dəfə xütbə demişdi. Birinci xütbəni carçıların Kufə xalqını əsirlərə baxmağa dəvət etdiyi zaman etmişdi. Kufənin kənarında əsirlər üçün xeymə qurmuşdular. İmam Səccad (ə) xeymədən bayıra çıxdı və insanlara işarə etdi ki, sakit olsunlar. İmam Səccad (ə) çıxışını Allaha sitayiş etməklə başladı. Peyğəmbərə (s) salavat göndərdi və buyurdu: “Ey insanlar! Kim ki, məni tanıyırsa, tanıyır və tanımırsa, mən – Hüseynin (ə) oğlu Əliyəm (ə). O Hüseynin (ə) ki, Fərat sahilində günahı olmadan və haqsız olaraq, müqəddəs başını bədəninidən ayırdılar. Mən o ağanın oğluyam ki, hərəminə hörmətsizlik edildi, rahatlığı aradan aparıldı. Malı qarət edildi və ailəsi əsir oldu. Mən o insanın oğluyam ki, (düşmənlər onu mühasirəyə aldılar, halbuki o, tək idi və yardımına tələsən kimsə yox idi) şəhid etdilər. Əlbəttə, bu cür şəhadət bizim iftixarımızdır. Ey insanlar! Sizi Allaha and verirəm, Həzrətə yazdığınız məktublar yadınızdadırmı? Onunla əhd və peyman bağlamışdınız, onunla beyət etmişdiniz? Siz onunla döyüşə girdiniz və ona yardım etməkdən əl çəkdiniz. Vay olsun sizə! Axirətiniz üçün tədarük gördüyünüz şey necə çirkindir və Peyğəmbərin (s) üzünə necə baxacaqsınız?”. İmamın (ə) çıxışı bu yerə çatanda kufəlilər ağlamağa başladılar. Yatmış vicdanları oyandı. Onlar bir-birini danlamağa başladı. İmam Səccad (ə) davam edərək, buyurur: “Allah mənim nəsihətimi qəbul edən hər kəsi bağışlasın. Allah və Peyğəmbərə (s) xatir hər nə desəm, əməl etsin. Çünki Peyğəmbəri-Əkrəmin (s) yolu bizim üçün nümunədir”. İmamın (ə) sözləri sona çatmamış kufəlilər bir səslə dedilər: “Ey Rəsulun (s) övladı! Biz sənin əmrinə qulaq asırıq və sənə vəfadarıq. Bundan sonra əmrinin quluyuq. Hər kimlə desən, vuruşarıq. Hər kimlə desən sülh bağlayarıq. Biz sənin və özümüzün haqqını düşməndən alarıq”. İmam (ə) kufəlilərə buyurdu: “Sizə heç vaxt etimad bəsləməyəcəm. Ey xəyanətkarlar! Ey şəhvət əsirləri! Atama etdiyiniz xəyanəti mənə də etmək istəyirsiniz? Xeyr, Allaha and olsun ki, hələ də vurduğunuz yaradan qan axır. Ürəyim ata və qardaş dağı ilə yanır. Müsibətin acı dadı hələ də getməyib. Mənim qəmim təskinedici deyil. Siz kufəlilərdən istəyirəm ki, nə bizimlə olun və nə bizim əleyhimizə”. İmam Səccad (ə) bu sözləri ilə onların vəfasızlığını və etibarsız olduqlarını üzlərinə vurdu və həsrət atəşini qəlblərinə saldı. Sonra buyurdu: “Əgər Hüseyn (ə) öldürülübsə, elə də qəribə deyildir. Onun da atası ondan qabaq bu kəramət və dəyərlərlə şəhid edilmişdi. Ey kufəlilər! O şeyi ki, İmam Hüseynə (ə) rəva bildiniz, şad olmayın. Bu, böyük hadisə idi. Canım ona fəda olsun ki, Fərat çayının kənarında şəhid oldu. Cəhənnəm atəşi o insanların cəzasıdır ki, onu şəhid etdilər”. Ubeydullah ibni Ziyadın məclisindəki xütbəsi İmam Səccadın (ə) Kərbəla əsirləri içərisindəki hüzuru nəzərə çarpan idi. Əsirlər karvanı Ubeydullahın məclisinə daxil olanda burada Ubeydullahın nəzərini cəlb edən şəxs İmam Səccad (ə) oldu. Çünki o, belə təsəvvür edirdi ki, Kərbəlada bir kişi belə sağ qalmamışdır. Onların hamısını qətlə yetirdiyini düşünürdü. Buna görə sorgu-sual edir və İmam Hüseynin (ə) nəslindən kiminsə sağ qalmasına şahid olmaq istəmədiyini bildirirdi. Karvan məclisə daxil olanda Ubeydullah üzünü İmam Səccada (ə) tutub, deyir: “Adın nədir?” İmam buyurdu: “Əli ibni Hüseyn (ə)”. Ubeydullah dedi: “Məgər Allah Əli ibni Hüseyni (ə) Kərbəlada öldürmədimi?” İmam (ə) bir anlıq susur. Ubeydullah (lən) deyir: “Niyə susursan?” İmam (ə) buyurur: “Allah ölüm zamanı canları alar. Heç bir insan Allahın izni olmadan ölmür”. Ubeydullah bu sözlərdən o qədər əsəbləşir ki, əmr edir, onu da şəhid etsinlər. Ancaq Həzrət Zeynəb (s.ə) fəryad çəkir: “Ey ibni Ziyad! Bu qədər qanımızı tökmüsən, sənin üçün kifayət deyilmi? Allaha and olsun ki, əgər onu öldürmək istəyirsənsə, məni də onunla bir yerdə öldür”. Zeynəbi-Kubranın (s.ə) sözləri ona təsir etdi və İmaını (ə) öldürməkdən əl çəkdi. Əsirlər karvanı lənətlik Yezidin məclisinə daxil olur, İmam (ə) Yezidi görəndə buyurur: “Ey Yezid! Allaha and olsun ki, əgər Allahın Rəsulu (s) bizi bu halda müşahidə etsəydi, səninlə nə edərdi?” Şam əhalisi Yezidi Peyğəmbərin (s) xəlifəsi hesab edirdilər. İmamın (ə) bu sözlərindən sonra özlərindən soruşdular ki, məgər bu insanların Peyğəmbərlə (ə) rabitələri varmı? Bununla Yezid rüsvay oldu. Əmr edir ki, İmamın (ə) əl və ayaqlarında olan zəncirləri açsınlar. İmam (ə) irəli gəlib, Yezidə (lən) buyurdu: “Belə düşünməyin ki, siz bizi xar edəsiniz və biz sizi dəyərləndirək. Siz bizə əziyyət verərsiniz və biz də sizə əziyyət verməkdən əl çəkərik. Allah bilir ki, biz sizi sevmirik, əgər siz də bizi sevmirsinizsə, sizi məzəmmət etmərik”. Yezid dedi: “Düz deyirsən, ancaq sənin atan və cəddin əmir olmaq istəyirdilər. Allaha həmd olsun ki, onları öldürdü və qanlarını tökdü. Atan qohumluğa riayət etmədi. Bizim haqqımızı görməməzliyə vurdular. Mənim səltənətliyimə görə mənimlə döyüşə qalxdı və axırı da gördüyün kimi oldu. İmam (ə) buyurdu: “Ey Müaviyə ilə Hindin oğlu! Dünyaya gəlməmişdən qabaq peyğəmbərlik və hökumət mənim atama və nəslimə aid idi. Bədr, Ühud döyüşlərində Peyğəmbərin (s) bayrağı atamın əlində olurdu. Ancaq sənin atan, atasının və cəddinin bayrağını gəzdirirdi. Ey Yezid! Əgər bilsəydin ki, nə etmisən, atamın, qardaşımın, əmim oğlunun və ailəmin başına nə gətirmisən, dağlara qaçardın. Çınqıllıqda gizlənər və fəryad çəkərdin”. Sonra Yeziddən istədi ki, minbərə çıxsın. Yezid (lən) əvvəl icazə vermir. Ancaq sonra razı olur və Həzrət (ə) minbərə çıxır. İmamın (ə) xütbəsindən sonra hamı ağlayır və Yezid (lən) rüsvay olur. Yezid də onun bu yanğılı çıxışı qarşısında heç nə deyə bilmir. Üzr istəyir və bütün bu olanların günahını Ubeydullah ibn Ziyadın (lən) üzərinə atır. Sonra İmamdan (ə) nə istədiyini soruşur və İmam da əsirlərin azad edilməsini, şəhidlərin basdırılmasını və Mədinə şəhərinə getməyi istəyir. Şamda bir müddət qalandan sonra İmam (ə) və ailəsi Mədinəyə qayıdır. 5. İmamın (ə) şəhadəti İmam 35 il müsəlmanlara rəhbərlik edir. Xilafətin növbəti qəsbkarı olan Vəlid ibni Əbdulməlik (lən), İmamı 95-ci hicri ilində Məhərrəm ayının 25-də zəhərləyir və şəhadətə yetirir. Həzrət İmam Səccadı (ə) Bəqi qəbiristanlığında, əmisi İmam Həsən Müctəbanın (ə) qəbrinin yanında torpağa tapşırırlar. (Erfan saytına istinadən Deyerler.org)

1 Oxu

İmam Səccad (ə) 22.01.2025

Haqqı demək, ədalətlə hökm etmək və əhdə vəfa – İmam Səccaddan (ə) İslam qanunlarının xülasəsi

Bir nəfər İmam Səccadın (ə) yanına gəlir və deyir ki, dinin bütün qanunlarını elə bu məclisdə bizim üçün bəyan edin. Həzrət Zeynəlabidin (ə) buyurur: “Bütün şəriət – Allahın dinidir. Haqq sözü demək – əlac edən yollardan biridir. Yəni, bu ağzınızı açan zaman ki, söz deyəsiniz, dediyinizi ölçün və dediyiniz sözü Quran və Əhli-Beytin (ə) dedikləri ilə həmahəng edin ki, dediyiniz söz haqq söz olsun. Ondan sonra azad qoyun ki, ağzınızdan bayıra çıxsın. Əgər ölçməsəniz və fikirləşməsəniz, həmahəng olmasanız – yalan, qeybət, töhmət, təhqir, məsxərə, istehza, batil, söyüş ağzınızdan bayıra çıxacaqdır. Ürəkləri yandıracaqsınız və ya insanları yolundan azdıracaqsınız. Bu zaman sizin sözünüzün hamısı batildir. Ona görə də haqq söz dilə aid olan bütün məsələlərin köküdür”. İmamın (ə) buyurduğu bu yol – həqiqətlərdən birincisi idi. İkinci həqiqət – ədalətlə hökm etməkdir. İmamın (ə) buyurduğu bu həqiqət həm bizlərə, həm məhkəmə sisteminə və həm də dövlətə aiddir. Əgər hökm vermək istəyirsinizsə, hökmünüz ədalət üzərindən olmalıdır. “Bu hökm verməkdə darı dənəsindən də az haqqı belə, tapdalamaq olmaz”. (Erfan) Əgər tarixə nəzər salsaq və Məsum İmamların (ə) Bəni-Üməyyə və Bəni-Abbasla bağlı hökmlərinə baxsaq, görərik ki, haqqına hökm veriblər. Hökm verən əsəbi olmamalıdır, hökm verən gərək zənginin və güclünün tərəfini tutmasın. Məsum İmamların (ə) verdiklləri hökmdə bir qarışqanın haqqı belə tapdalanmamışdır. İmamın (ə) buyurduğu üçüncü həqiqət – əhdə vəfa etməkdir. İmam (ə) buyurur: “Əhdə vəfa edin”. Özümüzlə, insanlarla, Allahla, ailəmizlə və dostlarımızla bağladığımız müsbət əhdlərə vəfalı olaq. Hətta əgər bu əhdə vəfa etməkdə sərvətiniz əldən getsə, sizin bu əhdi pozmağa haqqınız yoxdur. Bəli, həqiqi mömin olmaq istəyiriksə, İmamın (ə) buyurduğu bu üç həqiqətə hər birimiz diqqət edib, onlara əməl etməliyik. /Deyerler.org/

0 Oxu

İmam Cəfər Sadiq (ə) 22.01.2025

İmam Sadiqin (ə) şəhadət günü

Müsəlmanların 6-cı imamı İmam Sadiq (ə) hicri 83-cü il rəbiül-əvvəl ayının 17-də Mədinə şəhərində dünyaya göz açmışdır. Atası İmam Məhəmməd Baqirdir (ə). Anası İmam Əlinin (ə) əshabından olan Məhəmməd ibn Əbu Bəkrin nəvəsi idi. Məhəmməd ibn Əbu Bəkrin anası isə təqvalı, xanım Fatiməyə xidmət etmiş Əsma binti Üməys idi. İmam Sadiq (ə) babası İmam Səccad (ə) dünyadan köçəndə 15, atası şəhid olduqda isə 34 yaşında idi. İmam Sadiqin (ə) dövründə xilafətə rəhbərlik edən xəlifə Mənsur Dəvəniqi Əhli-Beyt (ə) davamçılarına qarşı öz sələfləri kimi amansızlıq göstərirdi. Xəlifə Bəni-Haşim nəslindən bir neçə mömini şəhid etdikdən sonra Şəybə adlı bir kişini Mədinəyə vali təyin etdi. Vali İmam Sadiqin (ə) hərəkətlərini nəzarət altında saxlamalı idi. Şəybə cümə günü namazdan sonra minbərə qalxıb, İmam Əli (ə) və Peyğəmbər (s) xanədanı haqqında nalayiq sözlər dedi. İmam Sadiq (ə) ayağa qalxıb etiraz etdi və valinin niyyətini açıqladı. Xəlifə Mənsur İmamı (ə) mübarizə yolundan döndərməyə müvəffəq olmadığı üçün onu şəhid etmək qərarına gəldi. Hicri 148-ci il şəvval ayının 25-də İmam (ə) zəhərələnərək, şəhid edildi. Həzrətin (ə) pak vücudu Mədinədə Bəqi qəbiristanlığında dəfn edilmişdir.

1 Oxu

İmam Səccad (ə) 22.01.2025

4-cü İmam Zeynul Abidin əleyhissalamın mövlud günü

İmam Zeynul Abidin əleyhissalam buyurur: قال علي بن الحسين ( عليهما السلام ) : ” إن دين الله لا يصاب بالعقول الناقصة ، والآراء الباطلة ، والمقاييس الفاسدة ، ولا يصاب إلا بالتسليم ، فمن سلم لنا سلم ، ومن اهتدى بنا هدي ، ومن دان بالقياس والرأي هلك “Naqis və qüsurlu agıl ilə, batil nəzəriyyələr ilə, eləcə də puç və əsassız müqayisələr vasitəsilə Allah Taalanın Dinini dərk etmək və tanımaq mümkün deyil. Həqiqi Dinə qovuşmağın yeganə yolu saf və səmimi-qəlbdən itaət etmək vasitəsilə olur. Kim Bizə -Əhli-beytə təslim olarsa hər bir yanlışlıq və uçurumdan amanda qalar. Kim Biz -Əhli-beytin vasitəsilə hidayət olunarsa xoşbəxt olacaqdır. Müqayisə etməklə, şəxsi nəzərləri və rəyi ilə Dini(n həqiqətini) tapmaq istəyən şəxs mütləq həlak olacaqdır!” . Müstədrəkul Vəsail 17-ci cild 262-ci səhifə Kəmalud-din və tamamun nimə 324-cü səhifə Biharul ənvar 2-ci cild 303-cü səhifə . Hədisin qısa şərhi: İmam Zeynul Abidin əleyhissalamın bu sözlərində çox böyük dərslər və mühüm incəliklər vardır, o cümlədən: . 1- Allahı və İslam dininin həqiqətini, yəni siratul-müstəqim (düz-doğru yol) olan Əhli-beyt (onların hamısına salam olsun) yolunu başa düşmək və anlamaq istəyən insan “kamil ağıla” , “məntiqi düşüncəyə” və “həyat qanunlarını düzgün dərk edə bilmək” xüsusiyyətinə malik olmalıdır. Əks halda, yəni naqis ağıl, batil nəzəriyyə və əsassız – puç müqayisələr ilə Allahı və Əhli-beyt yolunu dərk etmək mümkün deyil. Odur ki, Əhli-beyt yolunu dərk edə bilməyən, Məhərrəmliyin xristianlıqdan gəlmə adət olduğunu sanan, şiəlik ilə vəhhabilik arasındakı fərqi qanmayan, müctehidlərin varlığının əhəmiyyətinin başa düşməyən … adamlar “kamil ağıl” , “məntiqi düşüncə” və “həyat qanunlarını düzgün dərk edə bilmək” xüsusiyyətindən məhrum olanlardırlar. Nadan və cahil olduqları halda özlərini bilikli və savadlı kimi təsəvvür edən belə insanların ağılları naqis, qərarları məntiqsizdir, həyatı dərk edə bilmədikləri üçün isə həyat qanunlarını başa düşməyə acizdirlər. . 2- Halbuki Allahı, İslam dinini və Əhli-beyt (ə) yolunu dərk edə bilmək üçün səmimiyyət, ixlas, ürəyitəmizlik, qərəzsizlik, riyakarlıqdan uzaq olmaq, həqiqəti bilmək həvəsində olmaq, axirətin və Qiyamətin varlığına inanmaq … lazımdır. . 3- Ali insanlaq dəyərlərinə malik olmaq, həyatda ucalmaq və təkamülə çatmaq istəyən insanlar a) Əhli-beyti tanıyaraq b) Onlarla dostluq etmək, beləliklə də c) Onların vasitəsilə hidayət yollarına yüksələ bilərlər. Bu üç məqama nail olduqdan sonra həmin şəxslər İmam Hüseyn əleyhissalamın Kərbəla məktəbinin layiqli şagirdi ola bilərlər. Onda Allahı, İslam dinin həqiqətini, Əhli-beyt yolunu dərk edə bilərlər. . 4- Çirkin və bulaşıq qəlb ilə, batil əhlinin (kafirlərin) qanunlarını özünün həyat qanunu sanmaq ilə, günahların içində batdığı halda, həmiçinin halal ilə haramın arasındakı fərqi anlamayınca Allahı, İslam dinin həqiqətini, Əhli-beyt (ə) yolunu dərk etmək mümükün deyil. Mövləvinin yaxşı sözü var, deyir: تو علی را در تاریکی دیده ای ز آن جهت غیر بر او ب‍ذیده ای Sən Əlini (ə) qaranlıqda görmüsən Odur ki, başqasını ondan üstün bilmisən. , Dostlar, baxın, sizcə Lerik dağlarının suyunu kanalizasiya vasitəsilə evlərə gətirsələr, krantlardan axan suyu içən hər bir kəsin ürəyi bulanıb qaytararsa günah kimdədir?! Günah Lerik dağlarının suyundadır yoxsa əvvəlcə təmiz olmuş və sonra nəcislə murdarla bulaşmış borulardadır?? Nəsicə bulaşaraq murdar olmuş borular təmizlənməyincə Lerik dağlarının sularını dərk edə bilməzlər. Odur ki, niyyət, məqsəd və məramlar təmiz və pak olmayınca həqiqətləri görmək və dərk etmək mümkün olmaz. RZA ƏZİZOĞLU İRƏVANİ

1 Oxu

İmam Səccad (ə) 22.01.2025

Axirət səfəri üçün azuqə

Mənim qurtuluşuma səbəb olacaq və səfərimi asanlaşdıracaq bir zəhməti… İmam Səccadın (ə) dostlarından biri deyir: Soyuq və qaranlıq qış gecələrinin birində gördüm ki, həzrət Zeynül-Abidin (ə) çiyninə bir qədər odun götürüb yavaş-yavaş harasa gedir. Öz qulamımla irəli gedib, salam verdim və soruşdum: – Ey Peyğəmbərin övladı! Bu ağır yüklə hara gedirsiniz? İmam buyurdu: Səfərə gedirəm. Səfər azuqəsi hazırlamışam ki, onu bir yerə çatdırım. – İcazə verin, bu yükü qulamım sizin üçün aparsın. – Xeyr. – Onda icazə verin, mən onu aparım. – Mənim qurtuluşuma səbəb olacaq və səfərimi asanlaşdıracaq bir zəhməti başqasına tapşıra bilmərəm. İmamdan ayrılıb getdim. Bir neçə gündən sonra həzrəti yenə gördüm. Dedim: – Bəs, siz səfərə getməmişdinizmi? Buyurdu: – O səfər, sənin güman etdiyin (dünya üçün) səfər deyildi. Mənim məqsədim axirət səfəri idi. İmam Səccadın (ə) belə səfərləri çox olurdu və həzrət yoxsullar üçün lazım olan un, odun və s. kimi şeyləri öz ciyinlərində aparıb onlara çatdırırdı.

1 Oxu

İmam Səccad (ə) 22.01.2025

“Bаbаm Hüsеyni (ә) хаtırlаdım”

İkinci dәfә bu işi görmәk istәdikdә yеnә Pеyğәmbәri (s) qаrşısındа gördü Bir gеcә Mәnsurun әmri ilә İmаm Sаdiqi (ә) аyаqyаlın vә әbаsız оnun hüzurunа gәtirdilәr. Mәnsur qәzәblә Hәzrәtә dеdi: Еy Cәfәr! Bu yаşlı vахtındа utаnmırsаn, hаkimiyyәt üçün çаlışır vә müsәlmаnlаr аrаsındа fitnә yаrаtmаq istәyirsәn? Sоnrа qılıncını qınındаn çıхаrıb İmаmın bоynunu vurmаq istәdikdә, birdәn Pеyğәmbәri (s) qаrşısındа görüb оnu qınınа qоydu. İkinci dәfә bu işi görmәk istәdikdә yеnә Pеyğәmbәri (s) qаrşısındа gördü. Nәhаyәt, üçüncü dәfә Hәzrәti öldürmәk fikrindә оlsа dа bu işdәn dаşındı. Sоnrаlаr о, İmаmı zәhәrli üzümlә şәhid еtdi. (“Süqnаmеyi-Аli-Mühәmmәd”, sәh. 85.) Hәdislәrin birindә dеyilir ki, Mәnsur Dәvаniqinin әmri ilә İmаmın еvi yаndırılаndаn sоnrа şiәlәrdәn biri İmаmın hüzurunа gәlmişdi. О, İmаmı qәmgin vә аğlаr görüb bunun sәbәbini sоruşduqdа, Hәzrәt buyurmuşdu: “Yаnğın zаmаnı mәn еvdә idim. Birdәn аilәm qоrхudаn şivәn qаldırdı. Оnlаrın оddаn qоrunmаq üçün о tәrәf-bu tәrәfә qаçdıqlаrını gördükdә, bаbаm Hüsеyni (ә) хаtırlаdım. Аşurа günü dә оnlаrın хеymәlәrinә hücum еdilәrәk yаndırılmışdı…” (“Süqnаmеyi-Аli-Mühәmmәd”, sәh. 85.)

1 Oxu

İmam Muhəmməd Təqi (ə) 21.01.2025

İmam Cavadın (ə) fətva verməsi və saray fəqihlərinin rüsvay olması

Şübhəsiz ki, bütün səcdəgahlar – səcdə üçün lazım olan yeddi bədən üzvü, Allaha məxsusdur. Heç kəsi Allaha şərik qoşmayın İmam Cavad (əleyhissəlam) qeyd etdiyimiz iki elmi mübahisədən əlavə, bəzi vaxtlar öz İmamət elmi sayəsində müxtəlif yollarla saray alim və fəqihlərinin savadsızlığını və özünün onlardan üstün olduğunu sübut edərək İmamətə əqidə bəsləmək fikrini camaatın fikrində canlandırırdı. Bu baxımdan o Həzrətin, bir oğrunun barmaqlarının haradan kəsilməsi barədə verdiyi fətvanı nümunə göstərmək lazımdır. Hadisə bu cür baş verir. Bağdad şəhərinin qazısı İbn Əbu Duadla dostluq etmiş Zurqan (Onun ləqəbi Əbu Cəfər olmuş və hədis söyləyən idi.) deyir: “Bir gün İbn Əbu Duad xəlifə Mötəsimin məclisindən çox narahat halda geri dönür. Narahatçılığının səbəbini soruşduqda, deyir: Bu gün Allahdan istədim ki, kaş iyirmi il bundan qabaq öləydim. Dedim: Nəyə görə? — Xəlifə Mötəsimin məclisində İmam Cavad (əleyhissəlam) tərəfindən başıma gələn hadisəyə görə. — Məgər nə baş vermişdir? — Bir nəfər gəlib oğurluq etməsi barədə etiraf edərək xəlifədən ona İlahi hədd icra etməklə günahını yumaq istədi. Xəlifə bütün fəqihləri və İmam Cavad əleyhissəlamı da çağırtdıraraq bizdən soruşdu: “Oğrunun əli haradan kəsilməlidir?” Mən dedim ki, biləkdən kəsilməlidir. Xəlifə dedi: “Hansı əsasa görə deyirsən?” Mən dedim: “Çünki təyəmmüm barədə olan ayədə “ondan – torpaqdan, üzünüz və əllərinizə sürtün” (“Maidə” surəsi, ayə 6.) deyildikdə, “əlləriniz” sözündən “biləklərə qədər” mənası başa düşülür.” Bu barədə bəziləri mənimlə həmfikir olub mən deyəni dedilər, bəziləri isə mən deyənlə razılaşmayıb bildirdilər ki, oğrunun əli dirsəkdən kəsilməlidir. Xəlifə onlardan bunu hansı əsasa görə demələrini soruşduqda, cavab verdilər ki, dəstamaza aid olan ayədə “üzünüzü və əllərinizi dirsəklərinizə qədər yuyun” (“Maidə” surəsi, ayə 6.) deyildikdə, “əlləriniz” sözündən məqsəd “dirsəyə qədər” mənasıdır. Sonra xəlifə Mötəsim üzünü İmam Cavad əleyhissəlama tutub dedi: “Bu barədə sənin fikrin nədir?” O dedi: “Bunlar fətva verdilər, məni üzürlü say.” Mötəsim israr edib onun da öz fikrini bildirməsi üçün ona and verir. Məhəmməd ibn Əli (İmam Cavad (əleyhissəlam) ) dedi: “İndi ki, and verirsən, onda öz fikrimi deyərəm. Bunlar hamısı səhv deyirlər. Çünki oğrunun yalnız barmaqları kəsilməlidir.” Mötəsim dedi: “Hansı əsasa görə?” O cavab verdi: “Peyğəmbər (səlləllahu əleyhi və alih) buyurmuşdur ki, səcdə bədənin yeddi üzvü vasitəsi ilə yerinə yetirilir: alın, əllərin iki ovucu, iki dizlər, ayaqların iki baş barmaqları. Buna əsasən, oğrunun əli bilək, yaxud dirsəkdən kəsilərsə, onda namazın səcdəsini yerinə yetirmək üçün onun əli qalmır. Həmçinin, Allah-taala buyurmuşdur: “Şübhəsiz ki, bütün səcdəgahlar – səcdə üçün lazım olan yeddi bədən üzvü, Allaha məxsusdur. Heç kəsi Allaha şərik qoşmayın.” (“Əl-Cinn” surəsi, ayə 18; Məcməül-bəyan, c.10, səh.440.) Elə isə Allaha məxsus olan şeyi kəsmək olmaz.” Mötəsim onun cavabını bəyənib oğrunun barmaqlarını kəsdirir. (Biz məclisdəkilərin hüzurunda rüsvay olduq.) Mən elə oradaca (son dərəcə narahatçılıq və rüsvayçılıq nəticəsində) Allahdan özümə ölüm arzuladım.” (Doqquzuncu İmam Həzrət Cavad (əleyhissəlam), səh.26-29; Məcməül-bəyan, c. 10, səh. 372; Təfsiri-Əyyaşi (təshih və təliq), c. 1, səh. 320; Əl-bürhan fi təfsiril-Quran, c. 1, səh. 471; Vəsailüş-şiə, c. 18, səh. 490 (oğurluq babları, 4). Şəriət baxımından əlin kəsilmə həddinin təyini ilə bağlı sünnü və şiə alimlərinin nəzər və fətvalarını bilmək üçün “Əs-səhih min siyrətin-Nəbiyyil-əzəm” kitabının c. 4, səh. 103-ə müraciət edin.)

1 Oxu

İmam Səccad (ə) 21.01.2025

İmаm Sәccаddan (ә) 10 hәdis

Qеybәtdәn uzаqlаşın, çünki qеybәt, insаn әti yеyәnlәrin хuruşudur “Hәr kimin hәddindәn аrtıq pаltаrı оlsа vә bilsә ki, bir möminin оnlаrа еhtiyаcı vаr, аmmа оnа pаltаr vеrmәsә, Аllаh-tәаlа о şәхsi cәhәnnәmә аtаr.” (“İqаbul-әmаl”, sәh. 538.) “Аllаh möminin bütün günаhlаrını bаğışlаyır, оnun dünyа vә ахirәtdә günаhlаrını pаk еdir. Аmmа iki günаhı bаğışlаmır: 1. Tәqiyyәni tәrk еtmәyi; 2. Din qаrdаşlаrının hаqlаrını zаy еtmәyi.” (“Vәsаilüş-şiә”, c. 16, sәh. 223.) “Әgәr bütün insаnlаr ölsә, yаlnız Qurаn mәnimlә оlsа, hеç nәdәn qоrхmаrаm.” (“Vәsаilüş-şiә”, c. 5, sәh. 331.) “Üç şеy möminin nicаtınа sәbәb оlаr: Dili pis sözlәrdәn vә qеybәtdәn sахlаmаq, dünyаsınа vә ахirәtinә fаydаsı оlаn işlәrlә mәşğul оlmаq, öz günаhlаrınа görә аğlаmаq.” (“Tuhәful-uqul”, sәh. 290.) “Möminin öz mömin qаrdаşının üzünә mәhәbbәtlә bахmаsı vә оnа mәhәbbәt bәslәmәsi ibаdәtdir.” (“Tuhәfül-üqul”, sәh. 290.) “Möminin duаsının üç fаydаsı vә nәticәsi vаr. Оnun sаvаbı ахirәtdә, yа dа dünyаdа hәmin şәхs üçün zәхirә оlunаr vә yахud Аllаh-tәаlа insаnı tәqib еdәn bәlаnı duаyа görә оndаn uzаqlаşdırаr.” (“Müstәdrәkül-vәsаil”, c. 9, sәh. 113.) “Әgәr аtаmın qаtili mәnә еtimаd еdib аtаmı öldürdüyü qılıncını mәnә әmаnәt vеrsә, mütlәq о qılıncı оnа qаytаrаrаm.” (“Әvаlil-Lәаli”, c. 3 sәh. 251.) “Аllаh yаnındа әn üstün әmәl (vаciblәrdәn sоnrа) müstәhәblәri yеrinә yеtirmәkdir.” (“Üsuli-kаfi”, c. 1, sәh. 70.) (аz оlsа dа bеlә) “Qеybәtdәn uzаqlаşın, çünki qеybәt, insаn әti yеyәnlәrin хuruşudur.” (Хuruş – аşlа yеyilәn qаrа. ) “Vаy оlsun о kәsin hаlınа ki, оnun birlәri оnlаrınа qаlib gәlә. Birlәrdә mәqsәd pis әmәllәr, оnlаrdаn dа mәqsәd yахşı әmәllәrdir. Çünki hәr kәs bir yахşı әmәli yеrinә yеtirsә, оnun оn mükаfаtı vаrdır!” (“Әnаm” surәsi, 160-cı аyә.)

1 Oxu

İmam Səccad (ə) 21.01.2025

İmam Zeynəlabidin (ə)-a şamlı qocanın söhbəti

BİR QOCA ŞAMLI Ravi deyir: Əhli-beytəsirlərini şəhərin ən böyük məscidinin yanına gətirdilər. Bu vaxt qoca bir kişi əsirlərini yanına gəəlib dedi: Allaha şükür olsun ki, sizi öldürdü, həlak etdi; sizin kişilərinizin ölümü ilə bütün şəhərlərdə əmin-amanlıq yaratdı və əmirəl- möminin Yəzidi sizə hakim etdi. Əli ibn Hüseyn (ə) (İmam Zəynəlabidin) ona dedi: Ey qoca! De görüm Quran oxuyubsanmı? Dedi: Bəli. İmam (ə) buyurdu: De görüm bu ayani oxumusanmı? قُلْ َ لَا أَسْأَلُكُمْ عَلَيْهِ أَجْرًا إِلَّا الْمَوَدَّةَ فِي الْقُرْبَىٰ ۗ (Ya Peyğəmbər!) De: “Mən sizdən bunun (risaləti təbliğ etməyimin) müqabilində qohumluq məhəbbətindən (əhli-beytə sevgidən) başqa bir şey istəmirəm. ” Şura” surəsinin 23-cü ayəsi Dedi: Bəli, oxumuşam. İmam (ə) buyurdu: Peyğəmbərin (s) ən yaxın adamları bizik. De görüm «Beni-İsrail» surəsindəki وَآتِ ذَا الْقُرْبَىٰ حَقَّهُ » Qohum-əqrəbaya da haqqını ver .” Əl-İsra” surəsinin 26-cı ayəsi ayəsini oxumusanmı? Dedi: Bəli, oxumuşam. İmam (ə) buyurdu: Rəsulullahın (s) ən istəkli adamları bizik. De görüm إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا «Həqiqətən Allah-taala yalnız siz Əhli-beytdən pislik və çirkinlikləri uzaqlaşdırıb və sizi pak və pakizə etmək istəyib.» (Əhzab-33). ayesini oxumusanmı? Dedi: Bəli, oxumuşam. İmam (ə) buyurdu: Əhli-beyt bizik və bu ayə yalnız bizə aiddir. Qoca kişi bu sözləri eşidəndən sonra susdu və dediklərinə peşman oldu. Sonra o, İmama (0ə) dedi: Sizi Allaha and verireəm, deyin görüm doğrudanmı Qurandakı bu ayələr sizin barənizdədir? İmam (ə) buyurdu: Allaha, ceddimRasulullahın (s) haqqma and olsun, bu ayalar bizim haqqımızdadır. Qoca kişi ağladı, Əmmaməsini çıxardıb yerə vurdu, başını göyə qaldıraraq dedi: Ya Allah, mən Ali-Muhəmmədin (s) düşmənlərindən sənə şikayət edirəm! Sonra qoca kişi İmam Zeynəlabidin (ə)-a dedi: Mənim tövbəm qəbul olarmı? Həzrət buyurdu: Bəli, əgər tövbə etsən, Allah-taala qəbul edər və sən bizdən olarsan. Qoca kişi dedi: Mən tövbə etdim. O qoca kişinin başına gələn bu hadisəni Yezid eşidəndən sonra ona ölüm hökmü verdi. Mənbə: Seyid Ibn Tavus “Əl-Luhuf” s 125 Hazırladı:Vüsal Əli v.vusal@gmail.com

1 Oxu

İmam Hüseyn (ə) 21.01.2025

İmam Hüseynə (ə) ağlamağın savabının böyüklüyünə Qurandan dəlil

Mərifət və irfan əhli deyirlər ki, bir şeyi dəlilsiz inkar etmək, şübhə etmək, həqiqətdən kənar saymaq və ağıl və məntiqdən uzaq bilmək (istib`ad) insanın mənəvi inkişafı və kamalı yolunda ən böyük maneədir, çünki insanı süst və motivasız edir. Həzrət İmam Hüseynin (ə) əzadarlığı və o həzrətə ağlamaq və yas saxlamaq barədə verilən mükafat vədələri də inkar ediləsi və ağıl və məntiqdən kənar bir məsələ deyil. Mömin insan ismət və təharət Əhli-Beytinin (ə) vədələri qarşısında inkar, təəccüb və istib`ad mövqeyində durmamalıdır. İstib`ad yəni bir şeyi həqiqətdən kənar və mənfi mənada təəccüblü hesab etmək. Təharət və ismət sülaləsi olan Əhli-Beyt (ə) imamları barədə verilən vədələr və onların buyurduqları məsələləri mömin insan qəbul etməlidir, nə ki, təəccüblənməli və həqiqətdən uzaq saymalıdır. Bundan da daha pisi mömin insanın inkar mövqeyində olmasıdır. Buna görə mərifət və irfan əhli deyirlər ki, bir şeyi dəlilsiz inkar etmək, şübhə etmək, həqiqətdən kənar saymaq və ağıl və məntiqdən uzaq bilmək (istib`ad) insanın mənəvi inkişafı və kamalı yolunda ən böyük maneədir, çünki insanı süst və motivasız edir. Və nəticədə insan Allahın İmam Hüseyni (ə) yad etmək barədə verdiyi mükafatları əldə edə bilmir və kamilliyə gedən yoldan azır. Buna görə də İmam Hüseynin (ə) əzadarlığına veriləcək mükafatlar barədə hətta istib`ad etmək olmaz, nə ki inkar. Çünki əvvələn bu barədə kifayət qədər hədis və rəvayətlər var. Bu hədislər mütəvatir həddədir və inkar və istib`ad üçün yer saxlamır. İkincisi, öz fərdi və ictimai həyatımızda İmam Hüseyni (ə) və əshabını yad etməyin təsir və nəticələrinə baxsaq, vədər verilən mükafatlar elə də çox və təəccüblü deyil. Üçüncüsü, İmam Hüseyn (ə) və ənsarının Allah yolunda etdikləri və göstərdikləri fədakarlıqlar hədislərdə deyiləndən daha çox mükafata və daha böyük məqama layiqdir. Bundan əlavə, biz Allaha aid olan işləri öz tərəzimizlə ölçməməliyik. Allah yanında olan ölçü meyarları bizim düşüncəmizdəkindən çox fərqlidir. Məsələn, Qurani-Kərim bir buğda dənəsi infaq edənə bir neçə bərabərini verirsə, bunda təəccüb yeri varmı? İmam Hüseynin (ə) məsələsi də belədir. İnfaq edilən və sədəqə verilən bir buğda dənəsinin 700 bərabər mükafatı varsa, hər şeyini Allah yolunda verən şəhidlərə axıdılan bir damla göz yaşına bu qədər mükafat verilməsi niyə təəccüblü olsun ki? /shia.az

1 Oxu

İmam Hüseyn (ə) 21.01.2025

LUHUF İMAM HÜSEYN (Ə)-IN HƏYATI

İMAM HÜSEYN (Ə)-IN TƏVƏLLÜDÜNDƏN KARBALAYA GƏLDİYİ GÜNƏ QƏDƏRKİ DÖVR İMAM HÜSEYN (Ə)-IN TƏVƏLLÜDÜ İmam Hüseyn (ə) hicri ilinin dördündə, şəban ayının beşinci gününün gecəsində; başqa sənədə əsasən, həmin ayın üçündə dünyaya göz açıbdır. Bəzi alimlərin dediyinə əsasən, o Həzrət hicrətin üçüncü ilində rəbiül-əvvəl ayının axırlarında anadan olub. İmam Hüseyn (ə)təvəllüd tarixi haqqında başqa rəvayətlər də mövcuddur. İmam Hüseyn (ə) anadan olan zaman Cəbrail min mələklə göz aydınlığa vermək və təbrik etmək üçün Allahın Rəsulunun (s) hüzuruna gəldilər. Fatimə (s.ə)[1] övladını atasının[2] yanına gətirdi. Peyğəmbər (s) uşağı görən kimi sevindi və onun adını Hüseyn qoydu. ÜMMÜL-FƏZLİN YUXUSU VƏ ONUN TƏBİRİ İbn Səd «Təbəqat» kitabında Abdulla ibn Bəkr ibn Həbib Səhmidən, o isə Hatəm ibn Sənədən belə nəql edir ki, Abbas ibn Əbdülmütəllibin həyat yoldaşı Ümmül-Fəzl dedi:«İmam Hüseyn (ə) təvəllüdündən qabaq, bir gecə yuxuda gördüm ki, Peyğəmbər (s) bədənindən bir tikə ət ayrılıb mənim ətəyimə düşdü. Bu yuxunun təbirini Allahın Rəsulundan (s) soruşdum. O Həzrət buyurdu: «Əgər gördüyün yuxu doğru yuxulardan olsa, tez bir zamanda qızım Fatimənin (ə) bir oğlu olacaq və süd vermək üçün onu sənə tapşıracam». Bir müddət keçdi. Günlərin bir günü Fatimə (s.ə)-ın oğlu oldu. Onu mənə tapşırdılar. Onu Allahın Rəsulunun (s) yanına apardım. O Həzrət uşağı öz dizi üstünə qoyub öpməyə başladı. Bu zaman uşağın idrarından bir damcı Peyğəmbər (s) paltarına dəydi. Mən uşağı Peyğəmbərin (s) qucağından kobudcasına götürdüm. Uşaq ağladı. Allahın Rəsulu (s) qəzəbli şəxslər kimi buyurdu: «Yavaş ey Ümmül-Fəzl!Mənim paltarım yuylub təmizlənəcək. Amma sən övladımı narahat etdin». Mən Hüseyn yerə qoydum. Su gətirmək üçün otaqdan çıxdım. Qayıdandan sonra gördüm ki, Allahın Rəsulu (s) ağlayır. Dedim: «Ey Allahın Rəsulu niyə ağlayırsınız?»Peyğəmbər (s) buyurdu: «Bir az bundan qabaq Cəbrail gəlib mənə xəbər verdi ki, ümmətim bu övladımı öldürəcək». Mühəddislər[3] belə rəvayət edirlər: İmam Hüseyn (ə) ömründən bir il keçmişdir. Qanadlarını açmış müxtəlif sürətlərə və qırmızı çöhrəyə malik olan on iki mələk Allahın Rəsulunun (s) hüzrüna gəldilər. Onlar Peyğəmbər (s) ərz etdilər: Ya Mühəmməd (s) Qabilin Habilə zülm etdiyi kimi övladın Hüseynə də zülm edəcəklər. Habilə verilən savab kimi ona da savab veriləcək. Həmçinin, onu öldürənlərin əzabı Qabilin əzabı kimi olcaq. Bu zaman asimanlardaolan bütün mələklərAllahın Rəsulunun (s) hüzuruna gəlib, Hüseyn (ə)-ın gələcəkdə öldürdüyü üçün o Həzrətə baş sağlığı verirdilər. Mələklər İmam Hüseyn (ə) şəhadətinin əvəzində Allah-Təalanın o Həzrət üçün təyin etdiyi savabı Peyğəmbərlərə (s) xəbər verir və İmam Hüseyn (ə) qəbrinin türbətini o Həzrətə göstərdilər. Peyğəmbər (s) həmin zaman buyurdu: «Ey Allah! Oğlum Hüseyni xar edənləri zəlil və xar et! Hüseynimi öldürənləri öldür və onu öz məqsədinə çatdırma!» CƏBRAİLİN İMAM HÜSEYN (Ə)-IN ŞƏHADƏTİNİ XƏBƏR VERMƏSİ İmam Hüseyn (ə) iki yaşı var idi. Peyğəmbər (s) səfərə gedirdi. O Həzrət yolda birdən ayaq saxlayıb buyurdu: إِنَّا لِلَّهِ وَإِنَّا إِلَيْهِ رَاجِعُونَ[4] Peyğəmbər (s) bunu deyib ağladı. Peyğəmbərdən (s) ağlamağın səbəbini soruşdular. O Həzrət buyurdu: «İndi Cəbrail Fərat çayının yaxınlığında olan yeri mənə xəbər verdi. O yerin adı Kərbaladır. Orada oğlum Hüseyn (ə) öldürəcəklər». Soruşdular: «Ey Allahın Rəsulu (s) onu kim öldürəcək?» Buyurdu: «Oğlum Hüseyn (ə) Yezid adında bir şəxs öldürəcək. Elə bil ki, indi Hüseynin (ə) öldürülən yeri və dəfn olunan məkanını öz gözümlə görürəm». Allahın Rəsulu (s) həmin səfərdən qəm-qüssə içində qayıtdı. Peyğəmbər (s) səfərdən qayıdandan sonra minbərə çıxıb xütbə oxudu. Xalqa moizə etdi. Sonra sağ əlini İmam Həsən (ə) və sol əlini İmam Hüseynin (ə) başına qoydu, üzünü göyə tutaraq dedi: «Ya Allah! Mühəmməd sənin bəndən və Peyğəmbərindir. Bu iki nəfər isə mənim Əhli-Beytimin pakları və nəslimin seçilmişləridir. Bunlar ümmətin arasında mənim canişinlərimdir. Cəbrail mənə xəbər verdi ki, bu övladımı məzlumcasına öldürəcəklər. Ya Allah, şəhadəti onun üçün mübarək et! Onu şəhidlərin ağası et! Önu öldürənlər və xar edənlər üçün mübarək etmə!» Allahın Rəsulu (s) öz sözünü bura çatdıranda məclisdə olanların nalə şivəni ucaldı. Peyğəmbər (s) buyurdu:«Siz onun üçün (İmam Hüseyn (ə) üçün) ağlayırsınız, amma ona kömək etməyib günah edəcəksiniz?» Sonra Peyğəmbər (s) məsciddən xaric oldu. Bir neçə an keçdi. O Həzrət yenə də məscidə qayıtdı. Amma bu dəfə rəngi dəyişmiş, halı pozulmuşdu. Başqa bir xütbəni ağlar gözlərlə qiraət edib buyurdu: «Ay camaat! Mən sizin aranızda iki böyük şeyi əmanət qoyuram, biri Quran, o birisi isə mənim Əhli-Beytimdir. Onların hər ikisi mənim qəlbimin meyvəsi, həmçinin çanımdır və onları çox istəyirəm. Quran və Əhli-Beytim«Kövsər» hovuzunun kənarımda mənə qovuşana qədər bir-birindən ayrılmayacaqlar. Bilməlisiniz ki, mən qiyamət günü bu iki böyük əmanətin yolunu gözləyəcəyəm. Mən sizdən yalnız Allahın göstərişinə əsasən, Əhli-Beytimin sevməyinizi tələb edirəm. Bəs çalışmalısınız ki, qiyamət günü mənimlə gördüyünüz zaman Əhli-Beytimin düşmənçiliyi ürəyimizdə olmasın və onlara zülm edənlərdən olmayın. Agah olun! Qiyamət günü üç dənə bayrağın hər birinin altında ümmətimin bir dəstəsi yanıma gələcəklər. Birinci bayraq qara bayraqdır. Mələklər onu görəndə fəryad çəkəcəklər. Həmin bayraqların sahibləri mənim qarşımda duracaqlar. Mən onlardan soruşacağam: Siz kimsiz? Onlar mənim adımı yaddan çıxartdıqları halda deyəcəklər: Mən ərəb və qeyri-ərəblərin Peyğəmbəri Əhmədəm[5]. Onlar deyəcəklər: «Biz sənin ümmətindənik» Onlardan soruşacağam: «Məndən sonra Əhli-Beytim və Quranla necə rəftar etdiniz?» Deyəcklər: «Qurana əhəmiyyət verməyib, onun göstərişlərinə əməl etmədik; Əhli-Beytini də nabud edib, yer üzündən götürmək istəyirik». Bu zaman mən onlardan üz döndərəcəyəm. Onlar da susuz və qara simalarla məndən uzqlaşacaqlar. İkinci bayraq irəli gələcək. Birinci bayraqdan daha çox qara olcaq. Mən onlara deyəcəyəm: «Məndən sonra iki böyük əmanətimlə(Quran və Əhli-Beytimlə) necə rəftar etdiniz?» Cavab verəcəklər: «Quranla müxalifətçilik və Əhli-Beytini isə xar edib, onların əsir-yesir etdik». Onlara deyəcəyəm: «Məndən uzaqlaşın!» Onlar qara simalar və susuz dodaqlarla gedəcəklər. Üçüncü bayraq mənim yanıma gələcək. Bu bayrağın sahiblərinin sifətlərindən nur saçacaq. Mən onlardan soruşacağam: «Siz kimsiniz?» Deyəcəklər: «Biz tövhid kəlməsini deyənlər, təqvaəhli və Mühəmmədin (s) ümmətindənik. Biz haqq əhlinin davamçılarıyıq, bizim dinimizdə şəkk-şübhə olmayıbdır. Öz Allahımızın əziz kitabı Quranı əlimizdə tutub, onun haramını haram və halalını halal bildik. Peyğəmbərimiz Mühəmmədin (s)Əhli-Beytini sevib, onların köməyində əlimizdən gələni əsirgəməyib Əhli-Beytin düşmənləri ilə vuruşduq». Mən onlara deyəcəyəm: «Sizə bəşarət veririm ki, mən sizin Peyğəmbəriniz Mühəmmədəm (s). Siz indi bəyan etdiyiniz kimi dünyada həyat sürübsünüz. Sonra «Kövsər» hovuzundan onları sirab edəcəyəm. Onlar açıq və sevinclə dolu simalarla behiştə tərəf gedib, orada əbədi qalacaqlar». [1]İmam Hüseyn (ə)-ın anası. [2]Mühəmməd (s) peyğəmbər Fatimənin atasıdır. [3] Hədis rəvayət edənlər. [4] Hamımız Allahdan gəlmişik və Allaha tərəfinə qayıdacıq. [5] Məhəmməd peyğəmbərin asimandakı adı Əhməddir.

1 Oxu

Məqalələr